As daar nou één belewenis is wat op julle as gesin se móét-doen-lysie bygevoeg móét word, is dit ’n bespreking by een van Udolpho se twee pragtige Ossewakampe!

Híérdie unieke verblyfopsie is ’n immergewilde keuse onder individue, gesinne en groter groepe wat graag ’n deel van die Voortrekkers van ouds se manier van leef vir hulself wil kom ervaar!

Ons Hoofterrein-Ossewakamp, of Liebenberg-laer, beskik oor 6 gerestoureerde ossewaens wat in ‘n laer getrek is. Die Oewer-Ossewakamp beskik oor 4 gerestoureerde ossewaens.

Die waens is met stapelbeddens, en enkeles met dubbelbeddens toegerus, en kan elkeen tussen 6 en 8 gaste akkommodeer.

Die sterk, toeritsbare seile bied voldoende weerstand teen elke denkbare weerselement.

Kom geniet ’n gesellige braai rondom die braaiput saam met familie en vriende onder die Vrystaatse sterrehemel by Liebenberg-laer, of begin jou dag met ’n koppie Boeretroos op die oewer van die Vaalrivier by ons Oewer-Ossewakamp!