Haak gerus die karavaan, of stof daardie tent en ander kampbykomstighede af, en kies koers na ons pragtige rivierplaas vir ’n onvergeetlike kampervaring!

Udolpho Rivierplaas was nog altyd ’n gewilde uitspanplek vir kampgeesdriftiges!

Ons immergewilde Hoofterrein- en Oewerkampterreine bied aan kampeerders die ideale ligging om te kom ontspan, die stilte van die Vrystaatse platteland te geniet en net weer heel te word!

Beide kampterreine is toegerus met die nodige ablusiegeriewe, maar slegs die Oewerkampterrein se staanplekke het kragpunte.

Ons het ook ’n wonderlike, bekostigbare Lankstaan-kamperingspakket spesiaal vir ons pensionarisse beskikbaar!