ERFENIS
Kom leer meer oor die agtergrond en simboliek agter elkeen van die erfenisbakens wat te sien is by ons pragtige erfenisterrein.
Ouma se Huis
As daar nou één plek is waar julle as gesin of vriendegroep beslís ’n draai moet kom maak met julle volgende besoek aan Udolpho, is dit by ons eie plaashuismuseum, Ouma se Huis!
Wat maak hierdie besienswaardigheid so spesiaal?
Ouma se Huis is ’n ou plaashuis wat opgeknap en omskep is in ’n eg-Afrikanertuiste van ouds waar besoekers weer opnuut die kulturele erfenis en tradisies van die Afrikaner kan kom herleef.
Penkopmonument
Die Penkopmonument vertel die storie van ’n jong seun, oftewel Penkop, wat tydens die Anglo-Boereoorlog ’n noodgedwonge kopskuif van seun na volwasse man moes maak en saam in die oorlog moes gaan veg.
Penkopmonument
Die Penkopmonument vertel die storie van ’n jong seun, oftewel Penkop, wat tydens die Anglo-Boereoorlog ’n noodgedwonge kopskuif van seun na volwasse man moes maak en saam in die oorlog moes gaan veg.
Saam met die beeld is twee borde, met die name van 2 466 seuns tussen ses en 16 jaar, wat dié oorlog oorleef het, asook ’n aambeeld.
Die aambeeld is ’n simbool van die staal, daadkrag en harde werk van dié naoorlogse seuns.
Saam met die beeld is twee borde, met die name van 2 466 seuns tussen ses en 16 jaar, wat dié oorlog oorleef het, asook ’n aambeeld.
Die aambeeld is ’n simbool van die staal, daadkrag en harde werk van dié naoorlogse seuns.
Opstaan-vrouemonument
Die FAK Udolpho Rivierplaas herdenk jaarliks Konsentrasiekampdag op 16 Junie, en bring hulde aan die dapper Afrikanervroue en -dogters wat die konsentrasiekampe van die Anglo-Boereoorlog oorleef en teruggekeer het na hul viernietigde plase om dit sélf weer te herbou.
Die Opstaan-vrouemonument vereer hierdie merkwaardige Afrikanervroue en -dogters, en is nog een van die bakens wat besigtig kan word by ons erfenisterrein.
Hierdie monument – ook geskep deur Jacques Müller – is ’n simbool van geloof en volharding gedurende een van die donkerste en mees onmenslike tydperke in die Afrikaner-volksgeskiedenis.
Paul Kruger-grafblad
Die oorspronklike grafblad van president Paul Kruger is nóg ‘n baken wat gaste kan besoek vir ’n insiggewende blik op die lewe van dié historiese politieke ikoon, sy belangrike rol in die Afrikanergeskiedenis, en die agtergrond rondom die bewaring van dié grafblad juis op Udolpho.
Paul Kruger-grafblad
Die oorspronklike grafblad van president Paul Kruger is nóg ‘n baken wat gaste kan besoek vir ’n insiggewende blik op die lewe van dié historiese politieke ikoon, sy belangrike rol in die Afrikanergeskiedenis, en die agtergrond rondom die bewaring van dié grafblad juis op Udolpho.
